جبتلكِ خّد الجميل
وحُصان حلاوه
لسّه م طلعلوش سنان
وحّكيتلهُ عن أحلام زمان
ورّسمتلهُ حوار الأمان
وبديت وصّليت ع النبي
وهديت وتّفيت ع الشيطان
ونزلت صّليت ركعتين
وسعيت ورا الضّي أّنكُشهُ
وحفيت ورا الوهم أّكرُشهُ
وأّمحي العداوه عن إللي كان
وبّنيت لبُكرهّ وبأّفرشهُ
إستّغفري بقي ربنا
كده بالهّداوه وقّربي
يّله إركّبي معايا اللي جاي
وم تسأليش علي فين نروح
وإجري إسحّبي ألم الجروح
وإكتبي العنوان أروح
وياكي لحدود كّوكّبي
ولا تغضبي ولا تهربي
ولا تعِربي فيّا الجموح
أنا لسه خافي الآهه
عن ليلي الغّبي
وجريتلهُ حافي علي الطريق
وخفيت عناوين الحريق
عن عطرشان قلبي الصّبي
وداريت عليكي لتتعبي
كرشة نّفس
والهّم رّديت نّدهتهُ
يصبح صديق
والدم دّقيت غُربتهُ
وبتنزوي
والكّرشهّ ف عروق النّفس
حاجبه الشهيق بتضيق قوي
مبقاش يطيق منها النعّس
ف م تزرعيش الوهم تاني
لأجل المعاني م تنسرق
م الجّي
ويتوه الوّنس...!!!
شعر
صلاح محمود عفيفى
ليست هناك تعليقات:
إرسال تعليق