خلينا حواليكي
...... قلم السيد بدر
لمة الأحباب خلاص
العد فى النازل
ووحده وحده
قدام عيونا .. اتسرسبو
وللى كانو كل صبح يدوقو بابنا
بقا فين وفين.. وكل فين
صدفه لما يدقو بابنا
ياعزوتنا
يالمتنا .. يانور ليالينا
بدرى كان خليكى بينا
بعد منك مين بقالنا
إنتى اللى لمانا . حواليكي خلينا
فى رجعتي منايا احسك مستنياني
ولما عنك أتأخر الاقيكي حسبالي
مش هالاقى وفين نلاقى
القلوب مش زى قلبك
ولو هالاقى محاله الاقى
قلب يوم يشبة لقلبك
ديما ومستعجله. حاسك رافضه تستنى
ياشجره وضلها مضلل
خليكى لمانا خلينا حواليكي
معانا فارقه كتير
سايبه فراغ كبير
فاضيه الدنيا من بعدك
تسوى لما كنتى فيها
رخيصه من بعدك
مادام انتى اللى مش فيها
وعشان ياغاليه مش فيها
فضو اللمه من بعدك ...
ليست هناك تعليقات:
إرسال تعليق