لما شفتها
لما شفتها جمد ع لساني الحكي
وشح النظر من ورد ع خدا تكي
قالت حبيبي ع الصبح بونجور
ردت عليها عيوني بالبكي
يالعبة اللي بحسنها مسحور
أن طعنت فؤادي ما بشتكي
بعض علا جرحي بسكت ومجبور
مجبور إمشي الدروب الشائكة
وبنحني ويموت فيي الغرور
ولو ربع ساعة عازنودا إرتكي
بخالف السير وبخرق الدستور
بشن حرب طويل بفتح معركة
وإذا اضطريت بخرق المحظور
بخلي الزرار من العراوي مفككة
ولصدرا قول من خاطرك دستور
بلش ببستان العنب بالحوتكي
بكسر بواب القفص والسور
وآخد من النهد نص مباركة
من حيث إني بالعشق معذور
ومن جرأة العندي هية ملبكة
شقي كفان الولي بدي زور
بيت الصلا والصوم والتقوى
جايبلك البركات منها تباركي
......بقلمي
الشاعر عيسى وسوف باظة
ليست هناك تعليقات:
إرسال تعليق