ميلاد مجيد على الجميع أعاده الله عليكم باليمن والبركات
.......
......ياعيد......
ياعيد جايي وينلك يعيد
جيت بوقت ماحدا منا سعيد
ميلاد الفدا بدمو النصارى
وبدماتو انكتب عهد الجديد
جبريل العطى لمريم إشارة
وحملت بكلمتو لا الله أكيد
ورسملا الخط آمن لامسارا
بتمشي عليه لتحط الوليد
وليوسف سلمو زمام الإدارة
ول معاملة لمريم بالحسنى أكيد
يامريم قلها إنت المنارة
وينور يشع عالدنيا يسيد
يعدرا إنت يا إم العذارة
ياوالدة الله والإبن الوحيد
شعوب الوطن طاشت حجارة
عنا المآسي كل مالا عم تزيد
ترأفي بالحال ياطهر الطهارة
انحرمنا الهنى والعيش الرغيد
الشكوى لاسوى الله خسارة
ومانا مسوكرة وربحا زهيد
منشكي لربنا بالعلن وجهارة
المصايب خلت السادة عبيد
يعيد رجعت لاكنك عبارة
عن غصة ألم تمشي بالوريد
مابقي محبين عنا ولاغيارا
منك بعتذر يا طفل المغارة
لاباقي فطير عنا ولانبيد
....بقلمي
الشاعر عيسى وسوف باظة
ليست هناك تعليقات:
إرسال تعليق