ومهما حاولت أنساكى
ف ليكى فى قلبى ألف مكان
وليكى فى روحى كام ذكرى
وكام صورة فوق الجدران
ف مش سهل أنى يوم أنسى
كلام أو ضحكة أو همسة
ف ليكى أكيد كتير لسه
حاجات فى القلب والوجدان
ومهما حاولت أنساكى
ف ليكى فى قلبى ألف مكان
فى كل طريق أنا بأمشيه
تملّى ألاقيكى قدامى
وطيفك لو حاولت أداريه
يجينى بردوا فى منامى
لأنك عايشة جوايا
منين ما بروح كده معايا
رسمت ليكى ضحكاية
وصورة فى قلبى بالألوان
ومهما حاولت أنساكى
ف ليكى فى قلبى ألف مكان
مكانك جوه قلبي كبير
و غيرك مستحيل يملاه
ولو غيرك قابلت كتير
لا يمكن هألقى نفسى معاه
لأن مصيرى ده مصيرك
ياريت تراجعى تفكيرك
لأنى بجد من غيرك
فى حالة كبيرة م التوهان
ومهما حاولت أنساكى
ف ليكى فى قلبى ألف مكان
بقلمى /عبدالحميد وهبه
ليست هناك تعليقات:
إرسال تعليق