خليك كدا...........
عايش علي الهامش
في مشاكل أنت..... فيها عايش
تذوق المر وماتتكلمش
تشوف الحلو وماتخدش
عايش ومش عايش
في دنيا مليانه..... بالواغش
تشخلّك زي الست...... بغوايش
وأنت عايش ع الهامش
تلف من تاني.... وتعاشر
ناس تانيه..... برضو ماتتعاشر
وتعلق همومك...... علي مناشر
تلاقيها جايه بمشاكل
بتقبلك بوش بشوش
صعب إنك ماتحبوش
برغم إنك ماجربتوش
لما تحب تجرب
تشوف الصورة حقيقة
بترجعك من تاني
....... للبداية
لكن بشوية رطوش
تديك كم برطوش
في كل موقف
أنت ماوقفتهوش
في دنيا حلق...... حوش
فيها شويه وحوش
بتظلمك وتاخد منك.....
هناك وفرحتك........
بتاخد منك كمان...... لقمتك
بشوية هاتش ونتش
وماتلاقي حد عليك...... يطبطب
ويقولك معلش.....
خليك واقف كدا.... ماتتحركش
مهما شوفت ..... ماتسألش
لإنك عايش ع الهامش
خليك كدا....... وماتفكرش
بدل رافض تغير...... حالك
ماتزعلش......!!
بقلمـــــــــى ✍️✍️✍️
الأديبة د. چيهان الطنطاوي
فينوس الأدب والثقافة العربية
ليست هناك تعليقات:
إرسال تعليق