......
....فايق مشوب....
فايق مشوب صحي خد الصبح عرقان
والشمس تشرق عملها تبوس خدودو
يقلا قتلني جفاك بليلك البردان
موحش يليل العتم ومدبل ورودو
بنطر لحتا تجي ونبقى سوى منشان
نسافر عبحر الهوى ونتوسد زنودو
والشمس تبحر سفينة والبحر ربان
بي بحر وسع المدى كل الدني حدودو
والبحر يشبع نظر من خدك الريان
والقمر يضحك إلك تايثبت وجودو
يرقص إلك رقصة الكلا هبل وجنان
يخلي عيون الغزل عالعاشق يجدوا
مادام ما في حدا غيري أنا عشقان
كرمك كريم وأنا معود عاعنقودو
بقلمي
الشاعر عيسى وسوف باظة
ليست هناك تعليقات:
إرسال تعليق