صندوق الذكريات
من سنة واحدة فتحت صندوق الذكريات
تذكرت الزمن الجميل وتذكرت كل اللي فات
تذكرت يوم الشتاء و تذكرت كل لعب البنات
يوم ما كانت تمشي صفيه جوار البنت عنيات
خطوة واحده تقف لحظة تحت ظل الشجرات
تقف تنقي توت أسمر تجمع معاها بلح أمهات
واحدة غيرهاواقفة بعيد مدت ايدها سكر نبات
لقيتها واقفة كالنخيل وسط الحقول و النباتات
جلست تاني افتح وادور في ملخص ألبومات
لقيت معايا القطة بسبس واقفة جانب الهرات
لقيت معايا صور صحابي وبعض صور حيوانات
أيام ما كانت أيام جميله خاليه خالص م الأهات
كنا نحكي كل حاجه كنا ننام على صدر الأمهات
كانت حياة بسيطة خالص خاليه خالص م الآفات
كنت بنام نوما عميقا كأني عايش في سبات
من ساعتها طار نومي قومت ادور في السجلات
وجدت صورة قديمة خالص فيها كل الصاحبات
كنا نمشي طريق طويل ما كنا نركب سيارات
كنا ناكل جبنة قديمة ما كنا ناكل حلويات
دعوت ربي بحياة كريمة و يرحم جميع الأموات
كنا أسرة واحدة صافية كنا إخوة للبنين و البنات
بقلم محمد رجب النجار
ليست هناك تعليقات:
إرسال تعليق