محطات
شعر د/ جابر عبد الموجود الشريف
الأولى
من كام سنه
وأنتَ هايم
في البلاد
تطلع عليك
الشمس كل
نهـار
وتمد أيدك
ليها ماتطولها
يا ترى أي اللي
عجبك في الشمس
نورها ولا طولها
الثانية
كل تراب البلد
عاشق خطاويكِ
دا أحنا
ما عرفنا الحب
والعشق غير فيكِ
تعالي يمكن
يجي على
القلب يوم
من كتر الهجر
يجافيكِ
الثالثة
ابكي
دا الحنين جواك
يملأ الكون
ويزيده
دا القلب دا
لو راح
هيكتر الحزن
ويزيده
ليست هناك تعليقات:
إرسال تعليق