لكل آنثى عربية
البنت دي عربية
واسمها كل النساء
حلوة وطمعه وذكية
وراسها في السماء
عاشقة تراب بلدها
من الألف حتى الياء
صبورة زي الصبار
جبل راسي ماينهار
مايهزها ريح ولا إعصار
البنت دي عربية
جدعة وبنت بلد
وزي ما قالوا
مش كماله عدد
أجدع من مليون ولد
البنت دي عربية
في بياض الثلج تلاقيها
سمرا والسمار ماليها
حنونة حنان الأرض
عطاء طول وعرض
وفي المحن تلاقيها
البنت دي عربية
شيالة هموم نعم
حمالة اسيه وألم
اصيلة زى النيل
وراسها فوق القمم
البنت دي عربية
في كل مكان وكل شبر
في خيمة أو حتى قصر
أجدع من مليون ولد
بتزرع فينا الأمل
وتنجب فينا البطل
حامل رايات النصر
البنت دي عربية
كلمات : محمود صلاح
ليست هناك تعليقات:
إرسال تعليق