قطر الرجال اتملي
ومعدش فيه مكان
مشي وراح بعيد
وملاء السما دخان
سحابة كبيرة سودة
اصبحنا بعدها نيام
وصحينا من الغيبوبة
علي الزحمة و الخنقان
قولت دي مش بلدنا
قالوا اسكت وشد اللجام
اسكت و متتكلمش
بتروح في خبر كان
قولت ازاي عايشين
قالوا جوه الحيط
ومعدش صوتنا . يبان
سألت. فين الزعيم
قالوا راح من زمان
قولت طب فين المؤمن
قالوا دي كات ايام
سألت طب فين قائدنا
قالوا ياعيني نعسان
قولت طب مين بيحكم بلدنا
قالوا فرعون وهامان
بصيت بوش الناس
لقيتة اصفر و تعبان
من والفقر و الهموم
المارد بقي همدان
صرخت و قولت
ياشعب مين هانك
وياريس الفرصة لسه قدامك
نضف واطرد خدامك
دا شعبك هوا امانك
مش عز وشلة حرامية
جرس انذار
بقلم
احمد محمود
25/8/2010
ليست هناك تعليقات:
إرسال تعليق