مين محتاج يخدع أو حابب
يكسر قلب بدون ما يحاسب
قلبى معاك وأهو رهن إشارتك
قلبى خلاص بقى حقل تجارب
لو محتاج إنك تتسلى
دوس على قلبى جامد وأستولى
وأنا هدخل وياك فى الجولة
وأخرج من غير أى مكاسب
مين محتاج يخدع أو حابب
مين محتاج يخرج من موودُه
ويعشمنى كتير بوعوده
قلبى أهو دايماً متساهل
عمره فى يوم ما إتخطى حدوده
من كتر اللى آساه وشافُه
من ناس يوم على جرحه ما خافوا
جم فى الأول ضحكوا ولافوا
وجم فى الآخر عملوا مصايب
مين محتاج يخدع أو حابب
ناس حاولت إتعيش تجاربها
من غير حتى ما يوم تحسبها
يوم وأتنين طبعاً مش فارقة
ماهى تجربة وأكيد هتسيبها
كنت أنا فعلاً أغبى ضحية
ضحوا بيها الأشكال ديه
باعوا وخانوا وغدروا بيا
وكان لى معاهم أكبر نايب
مين محتاج يخدع أو حابب
يكسر قلب بدون ما يحاسب
بقلمي عبدالحميد وهبه
ليست هناك تعليقات:
إرسال تعليق