............
كل كلمه
من جرحي زادت
جوايا سابت أوجاع سنين
سمعتها وعيشتها آهات يا ليل
صبرت ياما فى سجون ملامه
ناسيه إبتسامه وأشواق آنين
جف اللي بينا ولا عدله طالنا
مغصوب يجيلنا
ومشاعره دين
قلبه اللي شدوه للنزوة عدوا
والعدل فين
لا حس ليلي ولا حزن عيني
راضيه بنصيبي
وأشكيه لمين
ما الروح وتاهت ورا ليل وباهت
والعين لا شافت
أفراحه فين
غلطت لما حبيت بذمه
ومشاعري دابت صايناه لسنين
لا قولت ليلي ولا دمع عيني
كاتمه فى آنيني
وأحاسيس لمين
حضناه فى خريفه وصدمني لما
إختار فراقي
على عش غيري وراح يطير
كل كلمه من جرحي زادت
جوايا سابت أوجاع سنين
بقلم صبري رسلان
ليست هناك تعليقات:
إرسال تعليق