كان. احلي من ايامهم
الدنيا هي هي
البت ويا الولد
اتنيلوا وحبوا بعض
وجري علي أهلها
وصبحوا مخطوبين
ومع اول مشكلة
تلاقيهم مفضوحين
وأمة محمد عرفت
وعل الفيس متجرصين
والحاج مارك يشعللها
بالحظر يامحسنين
يعملوا صفحه جديده
للردح وسب الديك
والقطط الفاطسة بتطلع
ويا العيوب والتلكيك
تعالي بقي ايامنا
ولا نت ولا نتين
الدنيا هي هي
الواد والبنت اتنيلوا
وكمان حبوا بعض
جري علي ابوها
وطلبها وبقوا مخطوبين
ومع كل مشكلة
ومش اول مشكله
تلاقي الدنيا هاديه
ولا حد عرف المشكله
يستأذن من ابوها
عشان يخرجوها
ويتمشوا علي الكورنيش
يحاول يمسك في ايديها
وهيا تقلانة عليه
يقعد يبص في عينيها
ويسبل تسبلتين
بردوا تقلانه عليه
يعمل فيها فنجري
وعل البياعين قوام جري
وبقرطاسين ترمس
وكوبيتين حلبسه
البنت تقلب بسه
واشتغلت نونوه
وحلاوه ياولا
وترجع بيت ابوها
وتمام المسأله
واتعشي معانا. ياعريس بنتي
ياحماتي دا الوقت اتأخر
وبنظره حلوه ونعسانه
وتمشي تتمخطر
والنبي يامه امسكي فيه
والعشي هايحضر
دا الحب علي ايامنا
القلب كان اخضر
بقلم
احمد محمود
من ديوان حبة رتوش
ليست هناك تعليقات:
إرسال تعليق