أنا قلبي
ما كانش شارع
يمشي فيه الرايح والجاي
انا قلبي كان مدينة
يسكن فيها كل قلب
عاشق وراشق وحي
يحب الحب و المحبين
يحب العشق والعاشقين
صديق السهاري والمغرمين
يطبطب علي كل قلب
صبح حزين
يداوي جراح المجروحين
يضم كل العاشقين
لكن وانت ياقلبي
مين يضمك وقت حزنك
لما سهم الهوي راشق
وانت عاشق والعشق
جابلك حزن السنين
من عشق لسه قريب
وعشق عدت عليه سنين
مكتوب عليك الجرح
ويا الحبايب متفرقين
مكتوب. علي بابك كلمة
وداع
مع أن قلب الحبيبة
شاري مش خاين وباع
يبقي ليه كلمة وداع
يبقي ليه اصلا صراع
اصل الحب في الدم
مش بالعافية والدراع
وحياة الحزن الساكن
جوايا
مش هقول كلمة وداع
وراية عشقي مرفوعة
ونورها ده زي الشعاع
ومش هقول كلمة
وداع
بقلم
احمد محمود
من ديوان سكة العاشقين
ليست هناك تعليقات:
إرسال تعليق