✍️✍️✍️✍️
نسـالم اعـدانا ونقـتـل بـعـضـنا
قلدكم الله ياعرب اش من عقول
ونحاصـر انفسـنا وداخـل ارضـنا
وأعـدائـنـا فيـهـا بحـرّيه تـجــول
اش مـن سـلام اللـه لا بـاااارك لنـا
والقدس يحكمها الخنازير الفسول
على ابسـط الاشـياء فـيـما بـيـنــنا
نشعل فتيل الحرب وندق الطـبول
ذي شـق وحـدتــنا وفـرّق شـمّـلـنــا
واحـرق بنـاره ارضـنا عـرضاً وطـول
وغـايـته ومُـناه طـمـس أمـجـادنا
لا نـنـتـظـر منّـه يجـيـنا بااالحـلـول
عــدونـا يـشـتـي يـجـفــف نسّـلـنا
واحـنا امـامه ذي نسـارع بالمـثـول
رغـم التـفاني فـي رِضِـى جـلّادنـا
وظّـهـارنا الـرغبه تـجاهه والمـيول
صـدور حكـم القرد في تـطّـبـيـعـنا
لا زال رهـن الرفـض منّـه والقــبول
لا لســلااااااام الـلـي يـوطــي روسـنا
قـــرارنـا قـطّـعـي ولا عـنّـه عــدول
ســلامـنا اسـتـسلام مـنّا وانّـحِـنِـا
وسقـوط مابعـده سقـوط ولا نـزول
امّـا الخـلاف الـلي فـتـكّ بوطـانـنا
حلّـه كتـاب اللـه ومـنهـاج الـرسـول
ذي لـو تـمسّــكّـنا بـهــنّ انّـتـه وانـا
ماصاب فكـر الأمّـة الكـبرى خمـول
كـلا ولا المسلم على المسلم جـنـى
وزرع لـخـوه الغـام سـوّها حـقـول
بالوحدة الكبـرى عتشرق شمـسنا
وتـنــور الآفــاق مـن بـعـد الأفـول
بهـا زمــام الـمــجـد في قـبضـاتنا
وإدارة الـعــااالم لـنـا والـكـنـتـرول
وبدونـها والله العـظـيم انّ الفـناء
اهـون ولا نبـقى لواشـنـطـن نعـول
الــــذل فـيـــمـا بـيـنــنا عــزّا لـنـا
والـذل امـام اعــداءنـا اش بانـقــول
يعـني خـيــانـة ديـنـنا واعـرافـنـا
وخضـوعنا لبن المـلاهي والكحـول
استرجعوا الماضي وش اللي صابنا
يـوم افتـرقنا كيـف سوانا المــغـول
👋👋👋👋
الشاعر/عمر عبدالعزيز الجميلي
ليست هناك تعليقات:
إرسال تعليق