حداد الحب (654)
................
هفرد الأحلام وأعيش
وهم كدب ما هشتكيش
قلب داب من حب غايب
له سنين ولا حسنيش
كل نسمه أبعتها ترجع
كل كلمه يقولها توجع
خلا عيني تبات ليلاتي
تفتكر في قساوته تدمع
مهما أقرب منه يبعد
لاغي إحساسه بوجودي ويساومني في يوم ما يوعد
خدت حقي يا ليل عذاب
كل نظره بلون عتاب
كل فرحه لدمع عيني
شافها أحزان يوم ما ساب
طفيت الأيام شموعه
يشكي وجعه وآه ضلوعه
داق مراره كسر الخواطر
وقلب طيب ليه يخونه
جاي نادم ع اللي فات
ناسي ماضي فى لحظه مات
وقته حاجته له وش تاني
يرسم الضحكه لهناك
مين يأمن تاني غدرك
مين يسيب قلبه معاك
والغرام جفت غصونه
حتى أسمك عندي مات
لك يومين ذكرى لوداعك
حق واجب لك حداد
بقلم .. صبري رسلان
ليست هناك تعليقات:
إرسال تعليق