وعلى غزة تجمعات ذيابة
ياسبحان الله واش غابة
هذا جاي من هنا هذا لهيه
ربي العالي منا يدهيه
وا حقروهم حيت مغلوبين
خليناهم للقادر والصالحين
لاش الفرقة بين خوث والخوث
لا ماتلوح خوك لبحر والحوث
واش عقلتي اعلى الثيران
خادوهم ياك وكانوا عديان
واحد بواحد وا كيف لفراخ
والناس الدايزة تسمع صراخ
هذي رسالتي جعلها وليفة
مال كيغير نفوس ضعيفة
لمخبي ف جبين سطورة
خليها تنقش حروف صدورة
وبلى حرية تعيش ف الذل
لامن يقدرك وعليك يطل
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق