بيسو بقلم جرناس حوران أبو شاكر

بيسو اليوم بقول لي :

ميوووووو....ميوووووو..

كأنو بخرني تغيّر الجو..

وصار الوقت شتا 

وماعاد يدفي لاجلد ولا  الفرو...

قلت لبيسو ماعندك مشكلة سكوت..

رايح ألبسك طاقية وكبوت.  

..

رجع من ثاني قال ميوووووو. .

وهالمرة بعالي الصوت..

كأنو بقول لي :من البرد عم بموت..

قلت ياريسو. كون صبار .

إحنا منواكب لسعر هالدولار..

إحنا بعدنا بمطرحنا .

وهوا ركب صاروخ وطار.

المعيشة صعبة وغليت الأسعار..

سعر الحطب بالكوى والنار..

وثلاثة مليون برميل هالمازوت..

تعال لندفي بعض..

فوت على حضني فوت..

..

ورجع قال :ميوووووووعاد ..

وهالمرة بصوت حاد..

اعرفت المسألة من جد..

وبقول برد وماعاد فيّه..

قلت يابيسوووو :

خايف تصيبك نزلة برد..

ساعتها بدك دكتور وأدوية..

وسعر الدوا أرتفع ميّة بالميّة. 

مسكين هالعامل ابو العيلة..

شغل الشهر مابجيب تحميلة...

من هالوضع يابيسوووو

الكل بيقول ميوووووو.

نص البشر بتتمنى الموت..

...  

جرناس حوران ابوشاكر