جبال الصمت عاوزة تتكلم وتحكي عاوزة تنطق الحق
صوت عاوز يصرخ ينهي زمن العبودية وزمن الرق
صعبان عليا ناس بتتعب مش بتلاقي بخت عند الخلق
مجبورة علي لقمة متمررة هدوم متقطعة بالف خرق
تنام علي الرصيف في حتة مقطوعة تنام في اي شق
يصعب. عليك موظف غلبان عايش ايام دنيتة بالزق
يستني. العلاوة يلاقي الخصم نازل ومفيش اي فرق
يلاقي ...جشع التجار بتزود الاسعار بسرعة البرق
فلاح.. يسرح مع شعاع الشمس مايجي من الشرق
يروح الغيط يتعب من الشمس اللي نازلة فيه حرق
عامل بيشتعل باليوميه يشتغل مع ناس بتاكل الحق
ناس كتيرة بتصرخ وملهاش اي بخت عند الخلق
الشاعر مدحت فضل
ليست هناك تعليقات:
إرسال تعليق