ليه تتنمر ليه علي الناس
وبتستهزأ بيهم ليه ؟!
خليك في حياتك وخلاص
حالك إشغل نفسك بيه !
...
ليه يا صاحبي دايماً عينك
بتشوف بس عيوب غيرك
عمرك فكرت في عيبك ؟!
وشكلك قدام نفسك إيه ؟!
....
أي كلام بنقوله مكتوب
حتى اللفظ علينا محسوب
ليه نغلط ونشيل في ذنوب
ورب الكون يحاسبنا عليه !
....
لما تقول الكلمة لصاحبك
وتزعل لما بيجي يعاتبك
وتميل وتاخد على خاطرك
اللي جرحته دا مين يداويه ؟!
....
ليه بنقول الكلمة الجارحه
وبنقتل في قلوبنا الفرحة
ونرجع ونقول كانت مزحة
وكلام بنغير معانيه ؟!
....
كلمة تزعل متقولهاش
الكلمة الحلوة يا إما بلاش
إسكت وقتها ومتنساش
إن الصمت نجاتك فيه !
....
بقلم / الرفاعي الحداد
ليست هناك تعليقات:
إرسال تعليق