خلاص كبرت وكدا كفاية
لا حرف ليك نافع دا كلام
حرفك يدوب نقطة بكوباية
لا تروي بيوم عطش الأحلام
صدقت ومشيت ورا أحلامك
والكل يقولك أسكت هس
ضيعت سنين عمرك أيامك
من غير قدامك ما تبص
أحلام لكلام
وحضور مبهور
وحروف كسهام
وحور مسحور
والكل قيام
وتصفيق جمهور
تخاريف أوهام
لسكير مخمور
مخمور طول عمره ما فاق
من الحرف والكلمة وخيالها
ودلوقتي من خمرها داق
وساب ناعسة لفارسها وخيَّالها
يحيى حسين القاهرة
23 مارس 2024
ليست هناك تعليقات:
إرسال تعليق