لتالت مرة اخترناك
وبقلوبنا وقفنا معاك
وبقالنا سنين متحملين وبنعافر
انت صح
واخترت الطريق الصعب
نبني بلدنا بأيدينا
بس بصراحة
صعبتها قوي علينا
عشر سنين اشغال و شقي
لكن الفقر والغلا
زادوا قوي علينا
عضم الفقير انطحن
ومش شايلانا رجلينا
طيب خد استراحة محارب
نمسح عرق الشقي بأيدينا
انت ما بتتعبش
ولا انت مش زيينا
شغل مفيش
فلوس ما عنديش
مش عارف اعيش
وعندي قورطة عيال
معدتها ما سكتاش
طب قولي اعمل ايه
اعمل زي اللي عملوا
وبقوا كتير قوي
اتاجر في الممنوع
وتمسكونا وتعلقونا وتحبسونا
خلاص اسجنونا
علي الأقل الأكل هناك ببلاش
طيب عندي فكرة حلوة
موتونا ايوه موتونا
موتونا وقطعونا وصدرونا
قطع غيار
علي الأقل هنتباع بالدولار
ويبقي عندنا ماركة
ولحمنا اتباع غالي
وما راحش ببلاش
ياللي انت قولت
انتوا نور عنينا
حس بينا بقي
وكفاية كدا علينا
اصل الجوع كافر
بقلم
احمد محمود
من ديوان بنا حروف
ليست هناك تعليقات:
إرسال تعليق