(جانا العيد؟####$$)
جانا العيد
أهو جانا العيد.
غنوه كانت تملى
الشاعر فرحة
وبهجه وقلب سعيد
في وسط الدار.
جانا العيد
أهو جانا العيد
مع زحمه
ونار بغلاء أسعار.
جانا العيد
أهو جانا العيد.
في قلوب فرحانه
وقلوب مليانه
هموم طفحانه
مرار.
جانا العيد.
أهو جانا العيد
مع ناس بتضحي.
خرفان وجاموس
وأبقار
وناس بتموت
بالليل ونهار...
جانا العيد
أهو جانا العيد.
إحساس ومشاعر.
ماتت في وسط
شوارع غزة ورفح.
من قوم
أشرار........
جانا العيد
أهو جانا العيد.
غنوة كانت لما
نغني وكنا
أطفال قلوب
بتسلم على بعضيها
بتاخد الحضن
بتنز حنان بحنان
فضفاض من جار
للجار........
قلوب بتصافح
ما تحسدش.
قبل مايجي العيد
بأسبوع زينه
على وش
البيت الطين.
بتضحك علقها
قبل الفجر
مايطلع
ويشقشق
نور الصبح
إصغار.......
جانا العيد
أهو جانا العيد.
مع حر النار
عشان نحس
بإحساس أم ماتت
أولادها وجثثهم
أشلاء بتنشل
فيهم إيد مع رجل
في وسط
دمار.........
جانا العيد
أهو جانا العيد.
مع ناس سلطتهم
بتموت فينا
بدون إحساس.
بسكينه بارده
بسوء في
قرار......
جانا العيد
أهو جانا العيد.
ودموع بتنازع
مع قلب بيبكي.
بعد ما كان فرحان
ووشوش بتزغرد
لما شهيد.....
بيشوف الجنة.
بأم عينيه.
من طلقة بإيد
غدار.......
جانا العيد
أهو جانا العيد
وعلى إيه فرحان
جايلك نفس.
تشبع بطنك
بفتة لحمه وتوم
وغير ك جايع.
عطشان مستني
رغيف الخبز
الحاف على بطن
معصوبه بخرقة
قماش متلطخه
بدم الشطار......
جانا العيد
أهو جانا العيد
بالفرحه أهي
ماتت لما ماتت
فينا النخوه
وكل ال باقي لينا
بس بأفواهنا
نقدم ليهم
أعذار.....
هو دا واقع
كلنا عايشينه.
بحلوه ومره.
الصورة واضحه
ما بتكدبش زي عين
الشمس...
ومن حقي.
لما أكتب عن شيء
أنا حاسه بقلبي
وقلمي أختار......
15/6/2024
؟؟؟؟$$$$$###!
بقلمي؟؟؟؟!!!!!!!!!!!!#
(شاعر العاميه/خيرى حسنى)
ليست هناك تعليقات:
إرسال تعليق