أه يا أصحاب الفخامة
ياللي معدومي الكرامة
يام خلاص مابقاش فيه دم
ولّا ذرة من الشهامة
إيه خلاص مابقاش فيه دين
كلمة واحدة من سنين
هي كلمة بس ...نُدين ...
آه يا مية حسرة وندامة
أه يا أصحاب الفخامة
كله عامل نفسه ناسي
والسكوت ده شئ أساسي
أصل خوفكوا ع الكراسي
أبدى من يوم القيامة
أه يا أصحاب الفخامة
أب راجع لإبنه دافن
والجثث مالية الأماكن
ده لا حرّك فيكوا ساكن
ولّا فيكوا ساب علامة
أه يا أصحاب الفخامة
حد فيكوا خد قرار
للي عايشين في الحصار
ألف وكسة وألف عار
ع اللي ياما خانوا ياما
أه يا أصحاب الفخامة
حد فيكوا مرة يقدر
إنه عن رأيه يعبّر
لو فيه حد يعني فكّر
يبقى يومها بالسلامة
أه يا أصحاب الفخامة
خبّوا راسكم كالنعام
غنّوا دايماً للسلام
وإعملوله مية مقام
جوة في صفايح القمامة
أه يا أصحاب الفخامة
بقلمي عبدالحميد وهبه
ليست هناك تعليقات:
إرسال تعليق