................
من النهاردة أنا قلبي مات
واللي جاي غير اللي فات
مش هتبكي يا عيني تاني
مات خلاص زمن السكات
إنتهى زمنك يا طيبه
ما الأدب في ميزانكم عيبه
خوفي مات وخلاص دفنته
والديابه زادوا ديبه
وش تاني للي باع
جسمي غصب
لناس جياع
مهما أصرخ كتموا صوتي
ما الفريسه أمانها ضاع
ثأر وبايت كرهي زاد والهدوء
مش عادته ساد
خدرت نامت وحوشها
إبتديت نار السداد
ع اللي ماتت فيه رجولته
ميه خسارة عليه الحداد
ليه ما صانش
فى عرضه خاين
بابه فاتحه للدياب
الندم ولا يوم جاه زارني
والضمير حس بأمان
مهما كان حكمك يا قاضي
سجني أرحم
من العذاب ليلي كان فيه
قوة عني
طفى شمعي للحساب
وإنتهت خلصت حكايتي
وألف غيري كلوه الدياب
مين هيصرخ ينجي روحه
ومين هينكر بإبتسام
طالما فيكي الديابه
يتوجد أشباه رجال
بقلم .. صبري رسلان
ليست هناك تعليقات:
إرسال تعليق