رَسَمِت خِطتها وحَبَكِتها
وظَبّطِت الدور
قدامي كشَفِت حكاياتها
وكل المستور
وقالت عيزاك تفضل جانبي
محتاجة وجودك ويايا
تواسيني وتاخد تار قلبي
وتشيل الخوف من جوايا
وعِرفت القصة بتفاصيلها
ولا عمري في يوم جيت على بالها
وطلِعت أكيد بالنسبالها
كومبارس وعاشق مأجور
رسمت خِطتها وحبَكِتها
وظبّطِت الدور
ده ف أول مرة إتكلّمنا
فكّرت أنا هفرق وياها
بمجرد بس ما سلّمنا
بانت أهدافها ونواياها
علشان مش تظهر مكسورة
أو يعني ذليلة ومقهورة
وخداني أبان أنا في الصورة
على إني حبيبها اللي معاها
وعِرفت القصة بتفاصيلها
ولا عمري في يوم جيت على بالها
وطلِعت أكيد بالنسبالها
كومبارس وعاشق مأجور
رسمت خِطتها وحَبَكِتها
وظبّطِت الدور
بقلمي عبدالحميد وهبه
ليست هناك تعليقات:
إرسال تعليق