كل بيت بقى فيه شهيد
وكل يوم ييجي مية جنازة
مهما هنقول أو نعيد
صار كلامنا مالوهش عازة
اللي عامل ودن طين
وودن تانية من عجين
والباقّية مُغيّبين
والضمير واخد أجازة
كل بيت بقى فيه شهيد
وكل يوم ييجي مية جنازة
كل يوم دايماً نقوم
ع الإبادة وضرب نار
إحنا مابنشفش نوم
ليلنا أصلاً صار نهار
قصة بتسلّم رواية
م البداية للنهاية
كل يوم نفس الحكاية
وكل يوم تحت الحصار
إمتى يعني نعيش في راحة
زي باقي الخلق ديّة
نفسي أعيش أيوة بصراحة
الحياة يعني العادية
بس فعلاً يبقى صعب
طول ما لسه فيه بينّا حرب
مين بيتعامل بسَلب
ومين مُناصر للقضية
بقلمي عبدالحميد وهبه
ليست هناك تعليقات:
إرسال تعليق