كل يوم عامل إشارة
نفسي أفهم إيه العبارة
إنت فاكر الحب لعبة
ولا فاكر دي شطارة
كل ساعة عاملّي منشن
لمّا قرّبت إني أتنشِن
لو هتبعت مرة تانية
هتلاقيني أقلبها أكشن
مستلمني ليل نهار
زي ما يكون ده حصار
مش سايبني آخد قرار
وكل حبة عاملّي غارة
كل يوم عامل إشارة
كل يوم منشور جديد
تحكي فيه عني وتزيد
صار إيملي كأنه ملكُك
وإنت بس المستفيد
نفسي أفهم إيه حكايتك
عايز إيه يعني بسلامتك
ف الكلام إن دّل يعني
راح يدل على سذاجتك
كل مرة بحاول أهرب
ليه بترجع تاني تكتب
إنت فاكر ليه بعمايلك
يعني على قلبي هتصعب
فوق بقى وخلّيك في حالك
وإنسى كل اللي في بالك
إنت فاكر ممكن أقبل
ولّا أدوب يعني في جمالك
بقلمي عبدالحميد وهبه
ليست هناك تعليقات:
إرسال تعليق