................
تعدي الليله ورا ليله
وألكفيت وجعي كام شيله
تايه حيران يا دوب عايش
محلك سر بلا حيله
وشوفت الدنيا من الأخر
في أخر كرسي متاخر
ولعب الزهر وإداني
وكلت الفينو والفاخر
لا صونت النعمه ورعيتها
وحتى الرحمه دي نسيتها
كسرت حدودي مش شايف
بنام ع المال وليه خايف
دفنت الطيبه من قلبي
خانيقها بأيدي وأنا عارف
فاكر ده المال هيحميني
وفجأه فقدت نور عيني
معايا المال وما قدرتش
أرجع ورد بساتيني
وغابت ضحكتي عني
في لحظه المال وراح مني
حاضن أوهام وليل زايف
باعوني رخيص وراحوا عني
رجعت لأصلي والحاره
وآه من وجعي يا خساره
علي نفسي اللي جوايا
علي شيطاني اللي قسايا
علي عيشي اللي
ما طمرشي فيا
وظلم نوايايا
بقلم .. صبري رسلان
ليست هناك تعليقات:
إرسال تعليق