..................
راح فين الحب
اللي ما بينا
وده إمتى يعود
إدارى ما بينا حلم وضايع
وكلام ووعود
معقوله إتجمد في قلوبنا
وإحساس مفقود
بصينا ورانا بكام خطوه
فيه طريق مسدود
لا عرفنا نشخبط ع الماضي
ولبكره نعود
أيام عيشناها لا حسينا
فيه غرام موجود
وعيون الناس سابقه
كلامها
قالوا طير محسود
وصفولنا الصبر خلص منا
له برده حدود
لا نفع فيه بخور إتبخرنا
من البيض والسود
وفتحنا الباب إستنينا
يمكن هيعود
أتاريه كان راكن جوانا
والشوق موجود
وعرفنا غلطنا إتعلمنا
وعدينا سدود
ناسيين في مرار كتر خيرنا
مبقاش فيه حدود
حسينا أمل رد في روحنا
ونصيب موعود
زارعين الود طرح فينا
ياسمين وورود
ربك ستار عالم بينا
دايما موجود
من غير الحب لا يحلى لنا في الدنيا وجود
بقلم .. صبري رسلان
ليست هناك تعليقات:
إرسال تعليق