مجرم كبير ومحترف
بيتمرد على القوانين
من غير سؤال بيعترف
بإنه مُعذّب العاشقين
لو تسألوني هقولّكوا
مش شخص زيي وزيّكوا
قبل أمّا يسرح فِكركوا
راح أقولّكوا ده يبقى مين
المجرم إسمه الإشتياق
بيزيد أكيد وقت الفراق
من غير لا رحمة ولا حنان
بيعامل القلب بغباء
سلطان وفارض سطوته
ملَك القلوب بلوعته
ماشي وواخدنا في سكته
بكل فخر وكبرياء
ما هو مجرم إسمه الإشتياق
مجرم كبير أه للأسف
في وجوده بنكون تعبانين
إحساسنا بيكون مختلف
ومعاه بنشعر بالحنين
وأكيد معاه في كل مرة
قلوب ماهيش ع البعد قادرة
نتمنى وبنحلم بنظرة
أو حتى يعني كلمتين
مجرم وفارض سطوته
ملَك القلوب بلوعته
ماشي وواخدنا في سكته
بكل فخر وكبرياء
ما هو مجرم إسمه الإشتياق
فيه ناس معاه داقوا العذاب
لكن عذاب مصحوب بحب
يتصبّروا بيه في الغياب
مع شوق ولهفة و دق قلب
لمّا الحبيب يحتاج حبيب
بيحس إحساس كان غريب
إحساس جميل لكن عجيب
رغم حلاوته بيبقى صعب
مجرم وفارض سطوته
ملَك القلوب بلوعته
ماشي وواخدنا في سكته
بكل فخر وكبرياء
ما هو مجرم إسمه الإشتياق
بقلمي عبدالحميدوهبه
ليست هناك تعليقات:
إرسال تعليق