بسم الله وانا ف الجولة
بعد ماصليت ديك مقبولة
والناس معلول ومعلولة
وسيوف اهل الله مسلولة
وا ماشافت عينو انعاس
بوهالي مايعرف انحاس
ربي يشفي له ضر الراس
غادي ماشي مول داك لباس
هاز عكازو اعلى كثافو
دربالة ملونة ما تخالفو
داك طالب من ربي لطفو
مزينو بعبادة ولفو
قالوا لي تلقاه في مكناس
وضريحو عامر بشلى ناس
شاي يدور في كاس وكاس
في قبتو قايمة ديك لعراس
من فمو خارج لعسل كلام
ياك منو سر رسالة ونطام
ويلوح من صنافو عرام
في حب الله عبير وسلام
تستنشق منو سحر نسام
رحمة عليك يامبدع لنغام
نام يالدكالي في راحة
وكالمك حفظوه مداحة
وانا للي زايرك في الساحة
ربي يجازيك بكل سماحة
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق