................
ما أعرفش ليه
وقت الألم بيبان عليا
ويوصي حزني للدموع
تفضح عينيا
كان نفسي أخبيك
يا وجع جوايا فيا
وأداري حزني اللي
إترسم غير ما بيا
وقت السعاده في دنيتي
بقى ضيف يمر
عودني أشرب من الهنا
بالغصب مر
راح اللي راح من دنيتي
ولا شئ يسر
والحزن علم ع الجبين
خطين لعمر
فيه عمر ولا عيشتوش
والتاني ما عرفتوش
ضاع الأمان من الروح
من غير أمل ولا ضي
والطير لا حاسس قلبه فيه
ميت وحي
ولا عاد باقي له غير قسى
وأوراق خريف
ودمعه كدابه فى عيون
قصاله ريش
حاول يطير فوق الوجع
بجناح ما فيش
مكسور لا يقادر يشتكي
نفسه يعيش
نفسه يعيش من غير ألم
وبأيده يكتب بالقلم يا عمر مر
بقلم .. صبري رسلان
ليست هناك تعليقات:
إرسال تعليق