وسط لمداد بقلامي غواص
وانا مع حروفي باخلاص
ناس نايمة وانا نكتب
لعقل راح مني وتسلب
حالي هدا زايد كتبة
ياحبابي وسلاحي جدبة
املك لخيال وزادني هبال
ياك ف بحور الكلمة ولقوال
لمحرك مابيا ظاهر
كل لحظة معايا راه حاضر
كل ماحضر يخلق موال
بين سيادي مالين لحوال
سالبا ني مالكاني كلمة
مشريتها غير خوابي عرمة
كل من ذاقها يلقى الوصفة
عدروني ف دروب الولفة
وا كيفاش نننساو ديك ليام
والشعب راد صفاوة لغيام
خطببة فيقت للي كان نايم
وحنا كنطلبو داك دايم
طنجة لستعمار سمعاتو
طيحت لعدو وهم هيباتو
//////+++بقلم صقر الحروف الزجال المحجوب بوسبولة+++//////
ليست هناك تعليقات:
إرسال تعليق