من حبك وتحركت لحروف
وا مابقى يالحبيبة خوف
تسرق مني القلب والروح
خرج مني اسرار البوح
كربيع يتسلل ياك ببهاه
املك قلبي جعلني نهواه
وانا قدام الحب اضعيف
مانا سباح مانا اوليف
ف هواه وخديت طريق السير
ياسيادي قولو لي اش ندير
لغرام ياك صابني بنبالو
قلبي ياك خادني بحوالو
طاعها ويكون ليا ف لعوان
عرفت لمكان عرفت العنوان
ياك لك اعيونك خادوني
قربوني ليكم وصلوني
في درب سعادة وداك الشوق
وعذوبة الطيب وسحر الذوق
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق