يارب توبة
كل مرة أقول حاتوب
عن المعاصي عن الذنوب
القى كلام الليل دا زبدة
مع النهار والنور تدوب
نفسي أتوب عن المعاصي
يشوط شيطاني أشوط أباصي
غريق وتايه وطوقي قشة
يارب عونك طريق خلاصي
خلقني ربي إنسان ضعيف
مافيش إرادة بجسمي النحيف
سايب إيديا والموج واخدني
في وسط عتمة وظلام مخيف
نفسي يارب يهديني نورك
بذنوبي تايه مافيش فنار
خايف أقوم تقوم قيامتي
ويوم الحساب مافيش فرار
مافيش ساعتها غير قاضي عادل
ويا إما جنة يا إما نار
يحيى حسين القاهرة
27 مارس 2025
ليست هناك تعليقات:
إرسال تعليق