كيف أبكيك يا وطني
ودمعات العيون كملن
عشان بحمل الوجعة
ودمك في الوريد أصلن
وحات المولى غيرك ماف
ترابك يسوي الف وطن
وكيف أقدر اعبر كيف
والكلمات علي ضلن
بشوفك يومي تتألم
في كل شبر ترابك دم
بندفن كل يوم في شهيد
ونسمع الف صرخة أم
وأيتام في الدروب تاهين
وشفع ماتوا من الهم
وناس إتشردت بالكوم
بأعداد فايتة حد الكم
دي عين بس صابتك وطني
بنقعد ونقري ليك ياسين
كل الغرب فيك طامع
عشان خيرك وفير حاسدين
وحاتك ما بنركع يوم
برغم الكيد منتصرين
بسأل ربي يحميك
ولي رأيتك دوام رافعين
قصيدتي / كيف أبكيك
بقلمي / عثمان محمد
ليست هناك تعليقات:
إرسال تعليق