الحقوني يا ناس غيتوني
قلبي ولع ناره قايدة
روحه راحت ريحته فاحت
لما جمبي يا خلق عدى
حد يندهلي المطافي
أو يبلَّغ باختطافي
امسكوه ده عامللي فِردة
رمشه ماسك سيف وكزلك
هتِّني ماعرفتش اسلك
سحره صابني بآلة حادة
اعترضني وفيا ثبِّت
نار غرامه ف قلبي شبِّت
صابني سهم من المودة
القوّام هجّام فتوة
بلطجة استعراض لقوة
خدني وش ومرة واحدة
صابني عمد وقلبه قاصد
ده مراقبني وليّا راصد
حسنه سيِّب ف المفاصل
يرضي مين كل اللي حاصل
مافتكرشي أنا حد يرضى
يا بوليس النجدة
بقلمي/ خالد جمال ١٤/٦/٢٠٢٥
ليست هناك تعليقات:
إرسال تعليق