سٍبت كلٌه وجيت عليّا
جِبت أَجَلي برمش سارح
صِبت قلبي بقيت ضحية
خد جاني وجفن جارح
مش رصاصة دي مدفعية
دكَّ قلبي وفيّا طايح
كان نشانك مٍيّه مِيّه
لا بجد يا عم ناصح
دمي ساح ولا ليّا ديّة
سهمه تاه جوّه الجوانح
الدلال خلَّص عليّا
نصل رمحه بقلبي جامح
اللي جابني الساعة ديه
كان راصدني بعينه لامح
كان ناصِبلي رموشه خيَّه
مانتبهتش كنت سارح
كان فؤادي مصفّي نيّة
كنت ماشي ماليش بيه صالح
سبت قلبي أنا ليه هفية
أصله كان حلو الملامح
بقلمي/ خالد جمال ١٣/٦/٢٠٢٥
ليست هناك تعليقات:
إرسال تعليق