بيقولولى الحرب قامت وجهزوله الدبابات
كل جيش شد الطوارئ و الحكايه خلاص ساعات
بلغوهم لسه بدرى عندى فى الاحلام حاجات
عندى دار سلمى هتبقى فيها أولادى البنات
عندى ملكه وعدى نبقى فوق جبل عرفه ساعات
وإبنى مازن منتظرنى أوفى وعدى بالحاجات
ولا يوسف حلمه لسه يلبس الإحرام ساعات
عندى صاحب حلمى أجامله وأمشى بعدها من سكات
بلغوهم أن وضعى لسه فيه احلام شداد
لسه بلدى دينها عندى ودا خلاص وقت السداد
ليها شكوى فى الوزاره وليها رسمه عن الحضاره
وليها ألف و١٠٠قصيده فيها دعوه للى مات
لسه عندى كتير حاجات
يعنى ايه أرسم فى حلمى وفجأه يصبح ذكريات
يعنى إيه لأجل الصهاينه أقتل الحلم بسكات
يعنى إيه النبت يطلع يحكمو عليه بالثبات
يعنى إيه عقاب الطفوله تشرب الحزن فى كاسات
مش موافق بلغووهم
فهموهم كلموهم
إن مدحت لسه عنده حلم وشويه حاجات
تحياتي/
مدحت لطفى عبدالعال
ليست هناك تعليقات:
إرسال تعليق