الغريب
تمللي في حظي قليل البخت
وكأن قلبي ساكنه غراب
أشوف مركب وأركب يخت
أتاري الرحلة وهم سراب
تمللي ضايع بلا شطآن
غريب قلبي بلا أوطان
يا طير شارد بليل بارد
كفاية يا قلب سفر وشرود
أكسر قمم المارد
كل أوطانك خراب وبارود
غريب الدار ما عنده جار
ما عنده عش ولا أشجار
خلاص يا قلبي دا شعرك شاب
ورق دبلان بفصل خريف
كفاية يا قلبي تدق أبواب
ومين يفتح لنبض ضعيف
دا حكم الحظ تمللي مدان
تعيش وتموت غريب بردان
يحيى حسين القاهرة
12 يونيو 2025
ليست هناك تعليقات:
إرسال تعليق