ياللي اخترت البعد وقلبك
غاب عن عيني وقال يا وداع
بكره هييجي الدور على قلبك
زي ماباعني لازم يتباع
دانت ظلمت القلب ف حبك
دانت مليت الروح أوجاع
كنت زمان مجداف لمراكبك
وانت كسرت لقلبي شراع
كنت المطره بتروي ف جدبك
كنت ف ليلك نور وشعاع
وأنت بتخدع قلبي بكدبك
كت أشواقك زيف وقناع
عشت العمر معاك وف صفك
عمر ما قلبي أتخلى وباع
كنت ف ضهرك كتفي بكتفك
كنت لقلبك إيد ودراع
دانت مسيرك تلقى مصيرك
غربة وتوهه وخوف وضياع
ياللي وعدتك أبقى سعادتك
أبقى لقلبك زاد لو جاع
وانت وعدت بغدر كعادتك
كان إحساسك ليا خداع
كلمة هقولها خلاص وهفارقك
اوعى تفكر قلبي أنا ضاع
قلبي اتعلم أوي من بَعدك
لما أتألم م الاوجاع
بكره هتلقى الحزن محاصرك
عمرك عايشة عذاب وصراع
لما تحس بندمك كسَرَك
أصلك بعت اللي ما يتباع
بقلمي/ خالد جمال ١٨/٦/٢٠٢٥
ليست هناك تعليقات:
إرسال تعليق