ياللي جمالِك فيض رباني
أجمل بنت ف كل الكون
لا فرنساوي ولا أسباني
شرقي بكحل العين واللون
أصلي جماله ومش تايواني
كل ما فيه ده يا ناس ف الجون
حاسّة بقلبي ومالكة كياني
تخلِص ليّا وعهدي تصون
حسِّت بيه الروح ف ثواني
داب القلب ف أحلى عيون
قلبي سألها لو حبّاني
ردت دانا عشقاك بجنون
جوه عنيه من الناس خبّاني
قاللي غرامك بيه مفتون
قلبي ناداه على طول لبَّاني
قاللي بجد انا بيك مجنون
قشطته بلدي ومش لبَّاني
أصلي وكل ما فيه مضمون
عِش معاه تلقاه قضَّاني
وسط القش هاكون ممنون
غنيتلها أجمل ألحاني
وعزفتها ع الاكسليفون
صوت العود بيقول واحشاني
والناي اوعي عليكي نهون
حد يسيب القلب الحاني
يبقى بجد يا ناس مجنون
بنت بلادي وعايشة عشاني
اجمل بنت يا ناس ف الكون
بقلمي/ خالد جمال ٢٣/٦/٢٠٢٥
ليست هناك تعليقات:
إرسال تعليق