وشك حلو
وشك حلو يا غالي عليا
قدمك والله ده قدم السعد
يوم ما عنيك ندهت لعنيا
دوبت ف ثانية وخدني الوعد
يوم ما ايديك حضنتها ايديا
من غير ما اشعر كفي اتمد
يوم ما غرامك هل عليا
هل بريحة العود والورد
لما طوتني الضحكة الصافية
اللي معاها القلب اتشد
لما خدتني شفايفك ديه
لما سحرني الخال ع الخد
يوم ما رميت سلامين بعنيا
واستنيت قام رمشك رد
حسيت إني ملكت الدنيا
والكون كله ف قبضة يد
بصحى وانام على راحة نفسية
لما افتكر الشوق والود
الأحوال بالكاد كت ماشية
والأموال ده يدوب ع القد
بعد هواك اتفتحت ليا
أبواب رزق وخير ممتد
قلبي معاك كما طير ف الغية
طاير بين السما والأرض
بعد ما كان مل الملاغية
حس براح الكون بقى سد
فين من بدري هواك يا عنيا
دانا كان أملي خلاص اتهد
يا جميل كده يابو طلعة بهية
وشك حلو عليا بجد
بقلمي/ خالد جمال ١٣/٧/٢٠٢٥
ليست هناك تعليقات:
إرسال تعليق