قالتلي المرايه
انت قبل التعيين
كنت برنس الليالي
الفرحه في عينك تلالي
وكانت الدنيا مجالي
اليوم انا في حالي
العمر ولي زمانه وراح
والقلب شقي ما ارتاح
والروح شكت للجراح
والشعر خرج ولم يعد
والفرح تاه واتفقد
والجسم هزيل واتنحل
الشكل مدعوك واتسحل
الإحساس مفكوك وارتحل
الصدق مشكوك واتنتف
والكدب مسبوك واتكسف
ويقول لي يا حج حج مين
يا ابني ده انا هندسه ده انا
عيل لسه ما دخلتش المدرسه
وينادوني ياحج شيل اللي
وقع منك باقي عمرك وسنك
وشيل يا حج علي اد عمرك
ياابني ارحمني من خفة دمك
وماتخايل عليا بتقل دمك
ياناقص ربايه اعتبرني زي امك
الجنه تحتي مش الجنه تحت امك
احترم ابوك زي ماتحترم امك
ربنا قال نحترم الاتنين ومافضلش
واحد من الاتنين فهمت يا روح امك
بقلم ايمن رمضان ابو حامد
ليست هناك تعليقات:
إرسال تعليق