ماتقوللي بحبك ما تقول
أنا هفضل جمبك على طول
بتميلِّي وقلبك مشغول
بتدوب ف كلامي المعسول
والعشق ف قلبك موصول
م القلب وللقلب رسول
هوه أنا كنت أحلم أو اطول
إني أحظى بحبك وأنول
والناس ف هواك مهما تقول
لا يهمني لايم وعزول
ولا بسمع من دول أو دول
وبتسمع ليا أنا طوالي
ماتقوللي أنا ليك بس يا غالي
وهواك ده آمالي ورِسمالي
هتعيش ف وجودي و ف خيالي
ولا يوم هنساك أو أكون سالي
ولا فرط فيك لو بالغالي
لا هويت قبليك ولا ليك تالي
أصل أنا ف عنيك بدر وعالي
نجمة ف لياليك ساكنة العالي
والكون جمبيك دايما حالي
وإن فُت عنيك هيضيع حالي
عايز أنسى معاك ويل ومواجع
بين خوف وهلاك روح بتصارع
عايز ألقى معاك عمري الضايع
عايز ألقى هواك م الروح نابع
تبقى ف دنيتي فجر وطالع
وأكون ف سماك نجم وساطع
مرتاح وياك ولا يوم دامع
وإن خجلك عارضك أو مانع
من غير ما تقول أنا ليك سامع
حسك من غير ما تقولهالي
بقلمي/ خالد جمال ٧/٧/٢٠٢٥
ليست هناك تعليقات:
إرسال تعليق