مش قضية
مش حكاية ومش قضية
مش نهاية هيّه ليَّا
يوم ما قلبك جه عليا
يوم ما خنت وبعتني
أيوه جرحك فيا علم
كت ضربتك ضربة معلم
بس قلبي محال يسلم
لو كمان ودعتني
أيوه كنت خام وشب
أي كلمة بقول ده حب
بس لمّا قلبي طب
ف الغرام ضيعتني
جرح قلبي مسيره يهدى
وابتدي أنا من جديد
عادي يعني حب عدى
بكره جاي بشوق وليد
بس لازم م النهارده
أخده عِبرة وأستفيد
مانخدعشي ف أي وردة
شوكها بيجرَّح ف إيد
لو فاضلي ف قلبي نبضة
برضه هعشق من جديد
هلقى وردة صافية ليا
تبان ندية
مش قضية
بقلمي/ خالد جمال ١٤/٧/٢٠٢٥
ليست هناك تعليقات:
إرسال تعليق