بين ظنوني وبين جنوني
بين ظنوني
كنتي لي كل الحياة
وبين جنوني
اتمني اعيش طول الحياة
افضل احبك
وانتي كنتي بالنسبة لي
طوق النجاه
كنتي ليا حضن أم
كنتي الجذب وكنتي الضم
كنت فاكرك كل حاجة
حتي ريحتك ريحة أم
ولما جات ساعة النهاية
طلع شهدك معجون بسم
طعم سمك كان مرار
ركبني الحزن وشيلت الهم
اصل الخيانة مش جسد
خيانة قلب يسم الدم
مسموم وروحي بتتخنق
لكن نفسي اقولك الأهم
اخر كلامي في دنيتي
بدعي عليكي
بحرقة قلب. وصرخة دم
يا اللي الخيانة كانت سكتك
صنع المشاعر
هيا اللي كانت صنعتك
اتمني موتك
وما يلاقوش في جتتك
نقطة دم
ولما تطلع روحك كوني متأكدة
ودا الأهم
هاقفل بيبان العشق وغرام
ولا أمن مرة تاني لفردة حمام
ويا كل قلب يقابل سكتي
جوايا نار حرقت خلاص
محيتي
وسأبت رماد جواه سواد
سواد. بلون بكايا وضحكتي
مات الأمان مات الحنان
جوايا مات. الحب واندفن
واللي. فاضل مني مارد
والعفن عل اللي اندفن
مات القلب واتجمد الدم
بقلم
احمد محمود
من ديوان بنا الحروف
ليست هناك تعليقات:
إرسال تعليق