النجاة
خلاص حتمشي سلام يا بنتي
أنا شيخ عجوز والبخت مايل
الكل راح وساب سفينتي
غرقانة بيا وحرام أحايل
في وسط بحري من غير مدينة
والصبح بدري مافيش سفينة
عشت حياتي وأحلامي عتمة
نستنا بكرة شمسه تنادينا
الشمس غابت وأحلامي دابت
أخدت معاها صورة الصبية
وفي وسط يأسي لمحت فجرك
صدقت عيني وقولت هي
أتاري فجرك في غير زماني
غريب عليا دا شكل تاني
إنجي بحياتك الموت واخدني
وحرام عليا أكون أناني
يحيى حسين القاهرة
15 أغسطس 2025
ليست هناك تعليقات:
إرسال تعليق